har din laati hain ek nayi subah
har subah ke saath sajte hain naye khwaab
har khwaab ke saath judte hain hazaar prathanayein
har prathana ke saath jalte hain aasha ke diye
har jalte hue diye se bujhte hain galiyon ke andhere
inhi galiyon mein milenge kahin woh log
jo kar rahen hain kisi ka intezaar
koi apne ya kisi apne ke khat ka intezaar
us ek khat ke sang woh guzaarlenge apni baaki ki zindagi
woh zindagi jo ab ban gayi hein unke liye bina matlab ki
kisi nati ke muskurahat ke bina
kisi humsafar ke pyaar bhare do shabd ke bina
woh to jilenge ab sirf yaadon ke sang
kisi ke bachpan ki kahaniyon ke sang
ab to sookh gayi hain ye boodhi aankhein rah tak tak ke
ab to kat rahi hain zindagi aise hi kai hum umr ke sang
har din woh intezaar karte hain ek ujiyaare ki
ek ujiyara…har andhiyari raat ke baad
jo laayegi apne sang ek nayi subah
aur us nayi subah ke sang sajenge phir naye khwaab………..
amazing! why didn’t u let us know of the poet in you earlier
according to me, all that accompanies throughout our journey are memories, happy or sad!
superb stuff. Loved the flow of thoughts in this one.
@mouna..thanks yaar..have just started writing hindi poems…there is this old age home in Chennai which i c enroute to my relatives place and everytime i c the old people there i feel sad..this one is for them…
@mahesh…thanks pa…hope to write more..god willing!!!